Agnès FAIGES /1580-

Union avec Guillaume BRUDY

19 avril 1601 : http://www.brozer.fr/telearchives/index.php#depot_collections.php?d=18&r=1846&c=22180&fn=47 Nom du notaire: Jehan GELI "Mariaige de Guilhaume Brudy d'Yelzas. L'an mil six cens ung et le dixneufiesme jor du moys d'apvril apres midy regnant souverain prince Henry par la grace de dieu roy de France et de Navarre scaichant touts presants et advenir que comme ainsin soit qui a l'honneur et gloire de dieu mariaige a este traite [...? ...?] solempnisé par et entre Guilhaume Brudy du villaige d'Yelzas paroisse de Saint Yllere de la Parade diocese de Mende d'une part et Agnes Faigesse filhe legitime de feus Anthoine Faiges et ... Tessier maries de Montinhac parroisse de la Malene diocese susdit et d'aultant que nul mariaige ne se fait sans constitution de dot a ceste causé establie en sa personne ladite Agnes Faigesse laquelle procedant de l'avis de Raymond Dumas son beau frere et aussi ses parants y presants s'est donnée constituee en dot audit Guilhaume Brudy presant et acceptant une avec touts et chacun ses biens causes et droits tant meubles que immeubles presants et advenir ouc que lesdits biens soient ny en quoy que puissent consister [... ...] et premierement a este pacte que ledit Guilhaume Brudy sera tenu de recognoistre et d'assurer sur ses biens tous ce quil aura prendra et resprendra de ladite Agnes Faigesse sa femme par son m[...?] par advenant cas et lieu de restitution a randre et restituer ou a qui de droit s'appartiendra laquelle restitution advenant c'est par le deces dudit Brudy mourant premier a ladite Faigesse sa femme [... ...] avec pour l'hore et allora pour maintenant luy a donne en augmentation de sa dot la somme de quarante livres touts payables dans deux ans le procedant et par la constitution ladite Agnes Faigesse mourant premier ledit Brudy son mari audit cas luy a donné par mesme donnation la somme de vingt livres et payables comme dessus laquelle constitution de dot ledit Brudy a accepte en ses biens dessus et douaire constitués ladite Faigesse [... ..] en quoy lesdites parties ont requis acte et instrument a moy notaire royal soubsigné, fait et recite audit Mayrueis dans la maison de moy notaire en presance de [...?] Jehan Jory Andre Poujol clerc signe Anthoine Brudy ne scaichant escryre ny [...?] et moy Jehan Gely notaire royal soubsigne."